• რატომ არის დღეს ქვეყანა ასეთ სავალალო დღეში?

• რადგან არ ჰყავს თავისუფალი მოქალაქეებისგან შემდგარი საშუალო კლასი.

• რა ქმნის თავისუფალ მოქალაქეს?

• კერძო საკუთრების ფლობა.

• როგორ უნდა გახდეს საქართველოს ყველა მოქალაქე კერძო საკუთრების მფლობელი?

• სახელმწიფო ქონების განკერძოების გზით, როდესაც სახელმწიფო საკუთრებაში არსებული აქტივები თანაბარი სასტარტო პირობებით გადაეცემა თითეულ მოქალაქეს და ამით ისინი გახდებიან ეკონომიკური ცხოვრების სრულფასოვანი მონაწილენი, სახელმწიფოს სრულუფლებიანი მოქალაქენი და აღარ იქნებიან დამოკიდებულნი მმართველ ძალაზე, დამსაქმებელზე და ა.შ.

კერძო საკუთრების ფორმირების შემდეგ აზრი და საფუძველი ეძლევა საფონდო ბაზრის განვითარებას, ფასიანი ქაღალდებით ვაჭრობას. საფონდო ბირჟა, როგორც საბანკო სექტორის კონკურენტი, ხელს უწყობს ბაზრის გაფართოებას, რითაც ბიზნესს ხელ-ფეხი ეხსნება როგორც უძრავი ქონების აქტივების ხელმისაწვდომობაზე, ასევე იაფ ფულზე, რადგან უქონელ ხალხს მხოლოდ მაღალპროცენტიან, ანუ ძვირიან ფულზე მიუწვდება ხელი. მოქმედების მექანიზმი: საფონდო ბაზარი კონკურენციას უწევს საბანკო სექტორს, რომელიც დღეს მონოპოლისტად გვევლინება საფინანსო ბაზარზე, და ამით ბევრ ბიზნესს შესაძლებლობა ეძლევა, რომ ბანკის გარდა, მიმართოს საფონდო ბირჟას, რათა მოიზიდოს იაფი ფული განვითარება-გამსხვილებისთვის.

ამ თემაზე პროექტ „გახდი მესაკუთრის“ ფარგლებში საუბრობენ თორნიკე ბერიშვილი, რამაზ გერლიანი, გიორგი მურუსიძე.