logo.png

 

Mirian Meskhadze Jr.

 

"ჩვენმა მეუფეებმა და საეკლესიო მეთაურებმა, რაც არ უნდა აქონ ერთმანეთი, დაიჯილდოვონ საკუთარი თავი, წმ. გიორგის უმაღლესი და სხვა ორდენებით, იშენონ სრა-სასახლეები (ეპარქიის რეზიდენციები რომ დაარქვეს თავად), იარონ სუპერქარებით, მოიპოვონ ცრუ დიპლომები, ხალხს უთხრან რომ მათი პირით სულიწმინდა მეტყველებს, შეასაღონ მათი შლეგური ჰალუცინაციები საღმრთო გამოცხადებად და ა.შ და ა.შ.

მომავალში ისტორია მათ მაინც საკადრის ადგილს მიუჩენს, როგორც სრულ არარაობებს, სულიერ ცვედანებს, უპრინციპოებს, მატერიალისტებს, მედროვეებს, ფულზე და მომხვეჭელობაზე დახარბებულ უბადრუკ ვაჭრუკანებს, რომლებმაც არც მეტი, არც ნაკლები, ვაჭრობის საგნად თვით იესო ქრისტე გაიხადეს!

და რომ, წმინდა ეკლესიები და ამბიონები წაბილწეს ურცხვი, ღვთისმგმობელი, პოლიტიკანური, ფაშისტური, მტრის საამო და მოყვრის გულის სატკენი ქადაგებებით.

მათი მთავრი დასაყრდენი დღეს არის ჩვენი გულუბრყვილო და მოტყუებული ხალხი, რომლებსაც გადარჩენისათვის ყოველდღიური ბრძოლა უწევთ, ხოლო მათი "მოძღვრები" ვილების, უძრავი თუ მოძრავი ქონების დაგროვებით არიან დაკავებულნი.

მაგრამ მათ ავიწყდებათ, რომ მათნაირი უგერგილო და უფხო არსებები კი არა, მსოფლიო ამინდის შემქმნელები მოუსროლია ისტორიას სანაგვეზე. ესენი კი იმ სანაგვესაც არ იმსახურებენ. მომავალმა თაობამ ისინი საერთოდ უნდა დაივიწყოს, ამოიშანთოს გონებიდან, როგორც კოშმარული სიზმარი და მათი "მოძღვრების" გარეშე გააგრძელოს სვლა...

ამ ერთუჯრედიანებს კი ვუთხრათ: "აჰა, ოხრად გრჩებათ თქვენი სახლი"."

წერს მღვდელი მირიან მესხაძე.

ნანახია: (160)-ჯერ

გაზიარება


Tweet

Comments







თქვენი კომენტარი ექვემდებარება მოდერატორის განხილვას